Friday, January 15, 2010

2 Scots poets

The Watergaw (by Hugh MacDiarmid)

Ae weet forenicht i' the yow-trummle
I saw yon antrin thing,
A watergaw wi' its chitterin' licht
Ayont the on-ding;
An' I thocht o' the last wild look ye gied
Afore ye deed!

There was nae reek i' the laverock's hoose
That nicht - an' nane i' mine;
But I hae thocht o' that foolish licht
Ever sin' syne;
An' I think that mebbe at last I ken
What your look meant then.

Tom Leonard (from HESITATIONS, and from FOODIES)

a dont give a shite
fur any a thim

a dont give a
a dogs turd

supposin thi entire

fuckin lot
and all thir fukin wurks an pomps

copped it
copped thi fuckin

whole thing

it would serve
it would serve thim

entirely accordin
tay thaht
which they totally fuckin deserve

thats ma opinion
and having delivered it
I will now have my fucking breakfast

rest assured

the cattle in our pies
were once
professors of psychiatry

ah like ma egg turned
the white quite firm

ma yoke saft enough
- though no too runny

thanks a lot

a could go
a right big haddock

deep-fried in batter
crunchy at the tail

thick in the middle
dead white inside

a single fish

Tom Leonard's excerpts from the etruscan books 1997 triptych: Raworth, Griffiths, Leonard.

"Watergaw" rainbow